काठमाण्डौं: बेलायतको राजधानी लण्डन ब्रिजमा छुरा प्रहार गरी दुई जनाको हत्या भएको छ । स्थानीय समय अनुसार दिउँसो २ बजेकोे घटनामा तीन जना घाइते भएको प्रहरीले जनाएको छ । मारिएकामध्ये एक एक महिला र एक पुरुष रहेका र एक जना पूर्व कैदी रहेको प्रहरीको दावी छ ।
मारिने व्यक्तिको पहिचान भने खुल्न नसकेको बताइएको छ । घाइतेमध्ये एक जनाको अवस्था गम्भीर रहेको र उनको स्थानीय अस्पतालमा उपचार भइरहेको बताइएको छ ।
घटनामा संलग्न एक २८ बर्षीय उसमान खानलाई प्रहरीले गोली प्रहार गरी मारेको जनाएको छ । प्रहरीले आक्रमणमा संलग्न भएको आशंकामा नियन्त्रणमा लिइएका दुई जनाबाट बिस्फोटक पदार्थहरु बरामद गरेको दावी गरेका छन् ।
। एउटा सभालाई लक्षित गरेर आक्रमणको प्रयास भएपनि धेरै मानवीय क्षति हुन नदिएको प्रहरीको दावी छ । क्यामब्रिज विश्वविद्यालयको विद्यार्थी सहभभागी भएको समारोहमा विद्यार्थी र पूर्व कैदीहरुसँग संधिग्द व्यक्तिले कुराकानी गरेलगत्तै आक्रमण गरेको प्रहरीले जनाएको छ ।
