काठमाडौं। प्रहरी महानिरीक्षक (आईजीपी) दानबहादुर कार्कीले देशमा सामाजिक तथा धार्मिक सद्भाव कायम राख्न सम्पूर्ण नागरिकलाई संयमित र जिम्मेवार बन्न आग्रह गरेका छन्।
एक भिडियो सन्देश जारी गर्दै आईजीपी कार्कीले नेपाल विविधतामा एकताको गौरवमय इतिहास बोकेको देश भएको उल्लेख गरे। धर्म, भाषा, जातजाति र संस्कृतिको भिन्नताका बाबजुद नेपालीहरू बीच आपसी सम्मान, सहिष्णुता र सद्भावको लामो परम्परा रहेको बताउँदै उनले यो विविधता नै नेपालको पहिचान र शक्ति भएको जोड दिए।
पछिल्लो समय विशेषगरी पूर्वी तराईका केही क्षेत्रमा धार्मिक सद्भावमा खलल पुर्याउने र सर्वसाधारणमा डर-त्रास सिर्जना गर्ने गतिविधि देखिएकोमा उनले दुःख व्यक्त गरे।
यसैगरी, सामाजिक सञ्जालमा अफवाह फैलाउने, उत्तेजक अभिव्यक्ति दिने र कानुनविपरीतका कार्यमा संलग्न हुने गतिविधिले समाजमा तनाव र विभाजन मात्र बढाउने उनको भनाइ छ। संवेदनशील परिस्थितिमा संयम र विवेकका साथ प्रस्तुत हुन आग्रह गर्दै आईजीपी कार्कीले एकअर्काको आस्था र मर्यादाको सम्मान गर्नु सबै नागरिकको साझा दायित्व भएको बताए।
_20240208203200.jpg)
