तीन महिनादेखि आवाज दबाउने प्रयास भइरहेको छ, अब चुप बस्दैनौ : मिराज ढुङ्गाना

काठमाडौं। जेन-जी अगुवा मिराज ढुंगानाले सरकारले तीन महिनादेखि युवापुस्ताको आवाज दबाउने काम गर्दै आएको बताएका छन्।

प्रधानमन्त्री सुशीला कार्कीले युवापुस्ताका माग पूरा गर्छौं भनेर तीन महिनादेखि आश्वासन दिएपनि अहिलेसम्म परिणाम शून्य रहेको बताउँदै उनले अहिले आएर प्रधानमन्त्रीले भेट्नसमेत समय नदिएपछि अब चुप लागेर नबस्ने उनले चेतावनी दिएका छन्।

समाजिक सञ्जाल फेसबुकमा लेख्दै उनले आफ्नो अधिकार, आवाज र युवाको भविष्यको कुरा हुँदा मौनता नखोज्ने र जसले बोली रोकेको छ त्यसलाई अब हाम्रो दृढताले जवाफ दिने उल्लेख गरेका छन्।

उनले लेखेका छन्, “हाम्रो आवाज दबाउने प्रयास भएको तीन महिना भयो। प्रधानमन्त्री कार्कीबाट ‘माग पूरा गर्छौं’ भनेर आश्वासन त पाइयो, तर परिणाम आजसम्म शून्य छ। अब हामी चुप बस्नेवाला छैनौं।

हाम्रो अधिकार, हाम्रो आवाज र हाम्रो भविष्यको कुरा हुँदा मौनता हामीले रोज्ने छैन। जसले बोली रोकेको छ, त्यसलाई अब हाम्रो दृढताले जवाफ दिनेछ। हामी बोल्छौँ, हामी उठ्छौँ, र हाम्रो अधिकार पूरा नहुन्जेल”

ढुङ्गाना नेतृत्वको जेनजी समूहले सोमबार दिनभर प्रधानमन्त्रीलाई भेट्ने प्रयासमा थियो। तर प्रधानमन्त्री कार्कीलाई भेट्न नपाएपछि उनीहरू सिंहदरबारको दक्षिण गेटमा ज्ञापनपत्र टाँसेर फर्किएका थिए । उनीहरूलाई प्रहरीले बुधबार पनि सिंहदरबार प्रवेशमा रोक लगाइएको थियो।