काठमाडौँ । केपी ओली कपअन्तर्गत मंगलबार भएको खेलमा विवाद भएको छ । रेफ्रीले रातो कार्ड देखाएपछि रेफ्रीसँग संकटा फुटबल क्लबका विदेशी खेलाडीहरूले विवाद गरेका थिए ।
एपिएफका एलिक श्रेष्ठलाई संकटाका ओवोसु बोटेङले हात हालेपछि रेफ्री ज्ञान बहादुर तामाङले सिधै रातो कार्ड देखाएका थिए । जवाफमा संकटाका अन्य विदेशी खेलाडीले रेफ्रीलाई हातपात गर्न खोजे ।
कप्तान दीप कार्की लगायतले विदेशी खेलाडीलाई छुट्याउनु परेको थियो । विवादका बिच सम्पन्न उक्त खेलमा संकटा क्लब सेमिफाइनलमा प्रवेश गरेको छ । संकटा क्लब पेनाल्टी सुटआउटमा एपीएफलाई ५–३ ले हराउँदै सेमिफाइनलमा पुगेको हो ।
_K7Lct6KCBw_20250218160952.jpg)
