प्रयागराज। बलिउड अभिनेत्री ममता कुलकर्णीको महामण्डलेश्वर पदवी खोसिएको छ। केही दिन अघि मात्रै महामण्डलेश्वर घोषणा भएकी कुलकर्णीको सो पद खोसिएको भारतीय सञ्चारमाध्यमले जनाएका छन्।
किन्नर अखाडाका संस्थापक ऋषि अजय दासले ठूलो दाबी गरेका छन्। उनले भने, ‘मैले लक्ष्मीनारायण त्रिपाठी र अभिनेत्री ममता कुलकर्णीलाई महामंडलेश्वरको पदबाट हटाएको छु।’
‘देशद्रोहको अभियोगमा परेकी ममतालाइ महामण्डलेश्वरलाई बनाउन कुनै कार्यविधि अपनाइएको छैन। उनलाई महामंडलेश्वर कसरी बनाइन्छ ?’ भन्दै उनले कुलकर्णीको सो पदवी खोसेको दावी गरेका छन्।
दासले यो पनि भने, ‘यो बिग बोस शो होइन, जुन कुम्भको समयमा एक महिना चलाउन सकिन्छ। किन्नर समुदायको उत्थान र धर्म प्रचारका लागि मैले लक्ष्मीनारायण त्रिपाठीलाई आचार्य महामण्डलेश्वर बनाएको थिए तर उनी बहकिए । यस्तो अवस्थामा मैले कदम चाल्नुपर्ने अवस्था आयो।’
महामण्डलेश्वर लक्ष्मीनारायण त्रिपाठीले भने अजय दासको दाबी अस्वीकार गरेका छन्। उनले भने, ‘मलाई मैदानबाट निकाल्ने को हुन्? २०१७ मा मा अजय दासलाई किन्नर अखाडाबाट निष्कासित गरिएको थियो, उनले व्यक्तिगत स्वार्थका लागि यस्तो भनेका हुन्।’
अखाडा परिषद्का अध्यक्ष रवीन्द्र पुरीले हामी लक्ष्मीनारायण त्रिपाठीको साथमा रहेको बताएका छन्। ‘को हुन् अजय दास ? हामी तिनीहरूलाई चिन्दैनौं।’ जुना अखाडाले सम्झौतामा किन्नर अखाडालाई सम्बोधन गरेको अजय दासले बताए। यसको मतलब उनले किन्नर अखाडालाई १४ औं अखाडाको रूपमा स्वीकार गरेका छन्। यसको अर्थ सनातन धर्ममा १३ वटा होइन १४ वटा अखाडाहरू मान्य छन्। यो सम्झौताले प्रमाणित गरेको छ।
