काठमाडौं। सहकारी ठगी प्रकरणमा पूर्व डीआईजी छविलाल जोशी पक्राउ परेका छन्। गोरखा मिडियाका संचालक समेत रहेका जोशीलाई काठमाडौंबाट पक्राउ गरिएको प्रहरी स्रोतले जानकारी दिएको छ।
सहकारी संस्था बचत रकम दुरुपयोग सम्बन्धमा संसदीय छानविन समितिले सहकारीको रकम अपचलन गरेको आरोपमा जोशीसहित गोरखा मिडियाका जीबी राई, कुमार रम्तेल र तत्कालिन प्रबन्ध निर्देशक रवि लामिछानेलाई प्रचलित कानुन अनुसार कारवाही गर्न सिफारिस गरेको थियो।
यस्तै सहकारीको रकम गोर्खा मिडिया नेटवर्कमा लिएर अपचलन गरेको भन्दै संसदीय समितिले कारबाही सिफारिस गरेको रास्वपा सभापति रवि लामिछाने प्रहरीको निगरानीमा रहेको स्रोतले जनाएको छ।
