विराटनगर । नेकपा माओवादी केन्द्रले कोसी प्रदेश सरकारलाई दिएको समर्थन फिर्ता लिने भएको छ । माओवादी केन्द्र संसदीय दलका नेता इन्द्र आङ्बोले मुख्यमन्त्री हिक्मत कार्कीलाई दिएको समर्थन फिर्ता लिने बताए ।
यसबारे शुक्रबार नै प्रदेशसभा सचिवालयलाई पत्राचार गराउने बताइएको छ । कांग्रेसका केदार कार्की नेतृत्वको सरकारलाई विस्थापन गरी गत वैशाख २७ गते हिक्मत कार्की मुख्यमन्त्री नियुक्त भएका थिए । उनले जेठ १ मा विश्वासको मत लिएका थिए ।
एमालेका हिक्मत कार्कीलाई नेपालको संविधानको धारा १६८ को उपधारा ५ बमोजिम मुख्यमन्त्री बनाउन माओवादी केन्द्रका १३ सांसदले समर्थन गरेका थिए । केन्द्रमा एमाले–कांग्रेस गठबन्धन बनेपछि माओवादी सरकारबाट बाहिरिएको छ ।
प्रदेशसभाको बैठक दिउँसो १ बजे बस्दै छ ।
_20241020152337.png)
