काठमाडौं । पाकिस्तानी धर्मावलम्बी बोकेको बस इरानमा पल्टिँदा २८ यात्रुको मृत्यु भएको छ भने २३ जना घाइते भएका छन् ।
दुर्घटना मंगलबार राति इरानको याजद प्रान्तमा भएको थियो । बसमा प्राविधिक गडबडी हुँदा दुर्घटना भएको इरानी ट्राफिक पुलिसको प्रारम्भिक अनुसन्धानमा खुलेको छ ।
दुर्घटनामा ११ महिला र १७ पुरुषको मृत्यु भएको छ । घाइतेमध्ये ७ जनाको अवस्था नाजुक रहेको छ । उपचारपश्चात ६ घाइते यात्रु भने अस्पतालबाट फर्कि सकेका छन्।
इरानमा भएको पाकिस्तानी कन्सुलर सेवालाई याजद प्रान्तमा दुर्घटनाबारे थप जानकारी प्राप्त गर्न बोलाइएको रौयटर्स्ले जनाएको छ । शिया मुस्लिमहरु लाखौंको संख्यामा इराकको कर्बला गभर्नरेटस्थितच अरबाइन तीर्थमा सहभागी भइरहेका छन् ।
