काठमाडाैं। स्लोभाकियाका प्रधानमन्त्री रोबर्ट फिकोले आफूमाथि बन्दुकधारीले चार पटक गोली हानेको करिब दुई महिनापछि काममा फर्किएको बताएका छन्।
मध्य स्लोभाकियामा एक सरकारी बैठकपछि ५९ वर्षीय फिकोमाथि नजिकैबाट गोली हानिएको थियो। उनको नजिकैको एक अस्पतालमा दुई वटा लामो शल्यक्रिया गरिएको थियो।
स्लोभाक मिडियाले बन्दुकधारीको पहिचान ७१ वर्षीय कवि जुराज सिन्तुलाका रूपमा गरेको थियो र उनीमाथि आतंकवादको आरोपमा मुद्दा चलाइएको छ। उनी मुद्दाको प्रतीक्षामा हिरासतमा छन्।
फिकोले आफ्नो मध्यमार्गी एसएमइआर-एसडी पार्टी, मध्यमार्गी हलास र ५४ लाख जनताको युरोपेली संघ (इयु) तथा नाटो सदस्यहरूको शासन गर्ने अति दक्षिणपन्थी एनएनएससहितको तीन पक्षीय गठनबन्धनको नेतृत्व गर्छन्।
प्राय हंगेरीका समकक्षी भिक्टर ओर्बनका साथ इयुद्वारा आलोचना गरिने राष्ट्रवादी झुकाव भएका फिको पत्रकारहरूबाट बच्नका लागि एउटा सुरुङमार्फत मन्त्रिपरिषद् बैठकमा सहभागी भएको स्लोभाक मिडियाले बताएका छन्।
फेसबुकमा आफ्नो कार्यालयमा आफ्नो एक तस्बिर पोस्ट गर्दै उनले भने, “प्रिय प्रगतिशील उदारवादी मिडिया र विपक्षी, म बाँचेकोमा क्षमा चाहन्छु तर फिर्ता आएको छु।”
गत शरद ऋतुमा फिकोले पदभार ग्रहण गरेपछि सन् २०२२ देखि रुसी आक्रमणको सामना गरिरहेको युक्रेनलाई सैन्य सहायता जारी राख्न स्लोभाकियाले अस्वीकार गरेको थियो। उनले पनि हंगेरीका ओर्बनजस्तै रुससँग शान्ति वार्ताको वकालत गरिहेका छन्।
फिकोको मन्त्रिपरिषद्ले न्यायिक र मिडिया स्वतन्त्रतालाई खतरामा पार्ने विधेयकहरूलाई अनुमोदन गरेर अचम्मित पारेको छ।
मे ३१ मा फिकोलाई अस्पतालबाट डिस्चार्ज गरिएको थियो र गत शुक्रबार ब्रातिस्लाभा नजिकै एक समारोहमा उहाँ पहिलोपटक सार्वजनिकरूपमा देखा परेका थिए।
एक भाषणमा उनले ओर्बनको मस्कोको विवादास्पद भ्रमणको प्रशंसा गर्दै भने, “यदि म स्वस्थ भएको भए उहाँसँग सहभागी हुन मन पर्थ्यो।”
उनले स्लोभाकियालाई क्यान्सरसँग तुलना गर्दै ‘प्रगतिशील र उदारवादी विचारधारा’ लाई रोक्न पर्खाल निर्माण गर्न पनि आह्वान गरे।
हत्याको प्रयासपछि उनी बैसाखीको सहाराले हिँड्छन्। उनको तौल पनि स्पष्टरूपमा घटेको छ।
