काठमाडौँ । नेपाल कम्युनिष्ट पार्टी माओवादी केन्द्रको केन्द्रीय कमिटी थप विस्तार हुने भएको छ । २०७८ पुसमा भएको ८ औं महाधिवेशनले २ सय ९९ सदस्यीय केन्द्रीय कमिटी अनुमोदन गरेको थियो । तर गतवर्ष विधान विपरित समितिलाई विस्तार गरी ३ सय ८५ सदस्यीय बनाइयो ।
बुधबार माओवादी पार्टी कार्यालय पेरिसडाँडामा बसेको स्थायी कमिटी बैठकले फेरि विधान संशोधन गरी केन्द्रीय समिति समावेशी बनाउने निर्णय भएको सचिव गणेश शाहले जानकारी दिए । ‘विधान समावेशी नभएको भन्दै महिला, जनजाति र युवा साथीहरूले गुनासो गरेका थिए । उनीहरुको मागलाई सम्बोधन गर्न विधान संशोधन गर्ने निर्णय भएको छ । संशोधित विधान केन्द्रीय समितिले अनुमोदन गरेपछि ४०९ सदस्य हुनेछ’, सचिव साहले जानकारी दिए ।
संशोधिन विधान केन्द्रीय समितिले जस्ताको तस्तै पारित गरेमा माओवादी केन्द्रीय समिति सदस्यको संख्या तत्कालीन नेकपाको हाराहारीमा बन्नेछ । ३ जेठ, २०७५ मा एमाले र माओवादी केन्द्रबीच एकता हुँदा ४ सय ४५ सदस्यीय केन्द्रीय समिति बनेको थियो ।
माओवादीको केन्द्रीय समिति बैठक बुधबारदेखि ५ दिनसम्म राजधानीको प्रज्ञाभवन कमलादीमा सञ्चालन हुँदैछ । बैठकले केन्द्रीय समितिको एजेण्डा पारित गरेको छ ।
)
_20241127162555.jpg)
