मुस्ताङ । मुस्ताङको सदरमुकामसँगै जोडिएको थासाङ गाउँपालिका वडा नम्बर २ को माथिल्लो थाप्लामा हिउँ पहिरो गएको छ । बिहान ११ः ४० मा गएको सो हिमपहिरोका कारण एक घरमा क्षति पुगेको छ भने एक शिक्षकसहित ८ विद्यार्थी घाइते भएका छन् ।
स्थानीय जनआदर्श अमरसिंह माविका शिक्षक तथा विद्यार्थी घाइते भएका हुन् । हिउँपहिरो आएको देख्दा डरले भाग्दाखेरि उनीहरु घाइते भएको मुस्ताङका प्रमुख जिल्ला अधिकारी नेत्रप्रसाद शर्माले जानकारी दिए । विद्यार्थीहरु सामान्य घाइते भएका छन् ।
हावाहुरिसँगै आएको हिउँपहिरोका कारण चरणका लागि लगिएका १५० भन्दा बढी चौरी हराएका छन् । दुई वटा चौरी गोठमा हिउँ पहिरोले क्षति पुर्याएको छ। हाल घटनास्थलमा प्रहरी परिचालन गरिएको मुस्ताङ प्रहरीले जनाएको छ ।
_20241127162555.jpg)
