काठमाडौँः नेपाली कांग्रेसले आसन्न प्रतिनिधि तथा प्रदेशसभा सदस्यको उम्मेदवार टुंगो लगाएको छ। बुधबारको पदाधिकारी बैठकले उम्मेदवार छनोट गरेको हो। कास्कीमा प्रतिनिधिसभाका लागि तथा भक्तपुर, दाङ र बागलुङमा प्रदेशसभा सदस्यका लागि कांग्रेसले उम्मेदवार टुंगो लगाएको हो।
पार्टी प्रवक्ता विश्वप्रकाश शर्माका अनुसार कास्की २ बाट खेमराज पौडेललाई उम्मेदवार बनाउने टुंगो भएको छ। धनराज गुरुङको चर्चा भए पनि उनले अन्तिम समयमा उम्मेदवार बन्न अस्वीकार गरेका थिए।
यस्तै, प्रदेशसभातर्फ भक्तपुर क्षेत्र नम्बर १ (क) मा कृष्ण भँडेललाई उम्मेदवार बनाउने निर्णय कांग्रेसले गरेको छ। यस्तै, बागलुङ २ (ख) मा जीत शेरचन र दाङ ३ (ख) मा केशव आचार्यलाई उम्मेदवार बनाउने निर्णय कांग्रेसले गरेको हो।
