काठमाडाैं । हालसम्म विश्वका विभिन्न ४२ देशमा रहेका ४३ हजार पाँच सय ६९ जना नेपालीमा कोरोना भाइरसको संक्रमण भएको छ । ती मध्ये ३९ हजार ५ सय ६५ जना अर्थात ९२ प्रतिशत गैरआवासिय नेपालीमा कोरोना निको भइसकेको गैरआवासिय नेपाली संघ जनाएको छ ।
अहिलेसम्म १९ देशमा कोरोना संक्रमणबाट २ सय ८४ जना गैरआवासिय नेपालीको निधन भएको संघले जनाएको छ । यो पछिल्लो साता ९ सय ६३ जना गैरआवासिय नेपालीमा कोरोना संक्रमण भएको जनाइएको छ । जसमध्ये ४ सय ५० जना नेपाली रोमानियमा रहेकाहरु हुन् ।
संघका अनुसार यस साता रोमानिया, पोल्याण्ड, स्पेन, कतार, क्यानडा, वेलायतमा रहेका गैरआवासिय नेपालीमा कोरोना संक्रमण संक्रमण भएको हो ।