काठमाडौं । बुधबार सुनको मूल्य तोलामा ९१ हजार १०० रुपैयाँ पुगेको छ । मंगलवार प्रतितोला छापावाल सुनको मूल्य ९० हजार ६ सय रहेको थियो ।
नेपाल सुनचाँदी व्यवसायी महासंघका अनुसार मंगलवारको तुलनामा छापावाल सुनको मूल्य तोलामा ५०० ले बढेर तोलामा ९१ हजार १०० रुपैयाँ पुगेको हो । यो मूल्य हालसम्मकै उच्च भएको महासंघले जनाएको छ ।
यसैगरी बुधबार तेजावी सुन तोलामा ९० हजार ६६५ रुपैयाँमा कारोबार भएको छ । यस्तै चाँदी बुधबार तोलामा ९४५ रुपैयाँमा कारोबार भएको पनि महासंघले जनाएको छ । मंगलबार चाँदी तोलामा ९४० रुपैयाँमा कारोबार भएको थियो ।
