पर्सा र रौतहटमा पुनः संक्रमित थप भएका छन् । सम्बन्धित जिल्ला स्वास्थ्य कार्यालयहरुका अनुसार पर्सामा ४ र रौतहटमा १७ जना संक्रमित थपिएका हुन् । प्रदेश २ मा २१ जना थपिएसँगै संक्रमितको संख्या एक हजार ७३ पुगेको छ । बिहीबार साँझ कपिलवस्तुमा समेत ११ जना संक्रमित थपिएका थिए ।
पर्साका संक्रमित २ महिला र २ पुरुष छन् ।
रौतहटका १७ जना नै पुरुष रहेका छन् । उनीहरु सबै एक साताअघि भारतबाट फर्किएका हुन् ।
हालसम्म बिहीबार एकैदिन १८८ जना संक्रमित फेला परेका हुन् । बिहीबार खोलुखुम्बु, दोलखा लगायतका हिमाली जिल्लामा पनि कोरोना संक्रमण पुष्टि भएको छ ।
