काठमाडौँः राष्ट्रपति विद्यादेवी भण्डारीले सरकारको सिफारिसमा प्रदेश प्रमुखहरु नियुक्त गरेकी छन्। आइतबार सबै प्रदेश प्रमुखलाई पदमुक्त गर्दै सरकारले सोमबार नयाँ प्रदेश प्रमुख नियुक्तका लागि सिफारिस गरेको थियो।
निर्णय अनुसार प्रदेश १ मा सोमनाथ अधिकारी ‘प्यासी’, प्रदेश २ मा लितक परियार, प्रदेश ३ मा विष्णु प्रसाईँ चयन भएका छन्।
यस्तै, गण्डकी प्रदेशमा अमिक शेरचन, प्रदेश ५ मा धर्मनाथ यादव चयन भएका छन्। निर्णय अनुसार कर्णाली प्रदेशको प्रदेश प्रमुखमा गोविन्द प्रसाद कलौनी र सुदूरपश्चिम प्रदेशमा शर्मिला कुमारी पन्त चयन भएकी छन्।
