कपिलवस्तुमा मंगलबार कोरोना संक्रमण पुष्टि भएका २४ जना नै भारतबाट आएको खुलेको छ । मंगलबार राप्ती स्वास्थ्य विज्ञान प्रतिष्ठान दाङमा भएको परीक्षणमा २४ जनामा संक्रमण पुष्टि भएको थियो । २०६ जनाको नमूना संकलनमा २४ जनामा कोरोना पुष्टि भएको हो ।
प्रतिष्ठानका अनुसार उनीहरु सबैको ट्राभल हिस्ट्री भारत रहेको छ । भारटबाट आएर उनीहरु अनिरुद्र माविको क्वारेन्टाइनमा बसेका थिए ।
जसमा कपिलवस्तु यशोधरा गाउँपालिका १ का २०, २४, ३०, ३०, ३०, ३०, ३४ ३४, ३५, ३६, ४० र ५५ वर्षका १२ जना पुरुष छन् । यस्तै, सोही गाउँपालिका २ का २, २२, २३, ३५ र ४४ वर्षका व्यक्तिहरु छन् । जसमा चार जना पुरुष र एक दुई वर्षीय बालिका छिन् ।
यस्तै वडा नम्बर ८ का ७ पुरुषमा पनि संक्रमण पुष्टि भएको छ ।
नेपालमा हालसम्म संक्रमितको संख्या ७७२ पुगेको छ । कोरोनाबाट चार जनाको ज्यान जाँदा १५५ जना उपचारपछि घर फर्किएका छन् ।
