काठमाडौंः नेपाल बार एशोसिएनको मानव अधिकार समितिले रुकुम चौरजहारी घटनाका दोषीलाई कारबाही गर्न सरकारसँग माग गरेको छ। जाजरकोटका तीन युवाको ज्यान लिनेगरी भएको उक्त घटना प्रचलित संविधान र कानुन विपरीत भएको समितिको भनाई छ ।
समितिले घटना नेपाल पक्ष राष्ट्र भएका अन्तर्राष्ट्रिय अनुबन्धन, संविधान र कानुन विपरीत भएको पनि ठहर गरेको छ।
उक्त घटनामा तीन युवाको ज्यान गएको छ। जातीय विभेदमा भएको घटनामा अन्य तीन युवा बेपत्ता छन्। ११ जना घाइते भएका छन् ।
समितिले घटना मानवका लागि लज्जाको विषय पनि भनेको छ । समितिले दोषीमाथि कारबाही र पीडितलाइ क्षतिपूर्तिको व्यवस्था गर्न पनि सरकारसँग माग गरेको छ।
