नेपालले जारी गरेको नयाँ नक्सालाई लिएर रुष्ट बनेको भारतले नेपालमा नाकाबन्दी लगाउनसक्ने चर्चाकै बीच भारतले प्रशोधित पाम आयलको निर्यातमा अवरोध आएको छ । नेपालबाट ठूलो परिमाणमा पाम आयल भारत निर्यात हुँदै आएकोमा पछिल्लो समय भारतले एकाएक आयातमा रोक लगाएको हो ।
नेपालबाट निकासी हुने वस्तुहरु मध्येकै सबैभन्दा ठूलो परिमाणमा पाम आयलको निर्यात हुने गर्छ । नेपालको कुल निर्यातको झण्डै २५ प्रतिशत निर्यात पाम आयल हुँदै आएको छ । केही समय अघिबाट मात्र पाम आयलको निर्यात थालेको नेपालले यसबाट ठूलै सफलता हाँसिल गरिरहेको छ ।
पाम आयलकै कारण पछिल्लो समय नेपालको वैदेशिक व्यापार घाटा(सोधनान्तर) स्थिति समेत सुधारोन्मुख हुँदै गएको छ । तर, भारतको पछिल्लो अवरोधले पुनः नेपालको आयात निर्यातको व्यापारिक सन्तुलनमा धक्का लाग्ने देखिएको छ ।
प्रशोधित पाम आयलमा भारतले प्रतिबन्ध लगाएकोबारे यतिखेर सरकार नै अनभिज्ञ देखिएको छ । तेल निर्यातमा प्रतिबन्ध लगाएको भनिएपनि के कारणले भारतले प्रतिबन्ध लगाएको हो सोबारे सरकार समेत जानकार नभएको बुझिएको छ ।
भारतले नेपाली पाम आयलमा प्रतिवन्ध लगाएपनि के कारणले लगाइएको हो सोबारे आधिकारीक धारणा भारतबाट आएको छैन ।
