_20260922063754.jpg)
काठमाडौं। परराष्ट्रमन्त्री शिशिर खनाल र पोल्यान्डका उपप्रधानमन्त्री तथा परराष्ट्रमन्त्री राडोस्ल सिकोरस्कीबिच भेटवार्ता भएको छ। संयुक्त राष्ट्रसंघको न्युयोर्कस्थित मुख्यालयमा जारी ८१औँ महासभाका क्रममा दुई देशका मन्त्रीहरूबिच द्विपक्षीय भेटवार्ता भएको हो।
भेटका क्रममा नेपाल र पोल्यान्डबिचको बढ्दो सम्बन्धलाई थप सुदृढ र प्रगाढ बनाउने विषयमा गहन विचार आदानप्रदान भएको छ। साथै, दुवै देशको आपसी हित र साझा चासोका विभिन्न क्षेत्रमा द्विपक्षीय सहकार्यलाई अझ विस्तार गर्दै लैजानेबारे समेत छलफल भएको थियो।
परराष्ट्रमन्त्रीको निजी सचिवालयका अनुसार संयुक्त राष्ट्रसंघलगायतका अन्तर्राष्ट्रिय तथा बहुपक्षीय मञ्चहरूमा नेपाल र पोल्यान्डबिचको सहकार्यलाई थप प्रभावकारी र सशक्त बनाउने विषयमा दुवै पक्षले प्रतिबद्धता व्यक्त गरेका छन्।
