काठमाडाैं। नेकपा माओवादी केन्द्रले घोषित मितिमा निर्वाचन गर्न पार्टीका तर्फबाट सकारात्मक भूमिका खेल्ने निर्णय गरेको छ। पार्टी कार्यालय पेरिसडाडामा सोमबार बसेको महाधिवेशन आयोजक समितिको सचिवालय बैठकले घोषित मितिमा निर्वाचन गर्न सकारात्मक भूमिका खेल्ने र त्यसका लागि सम्बन्धीत पक्षसंग छलफल गर्ने निर्णय गरेको प्रवक्ता अग्निप्रसाद सापकोटाले जानकारी दिए।
निर्वाचनमा जाने बिषयमा सवै दलहरुको सहमति रहेको र माओवादीको पनि चूनावमा नै जोड रहेको उनको भनाइ छ। उनले निर्वाचनले मात्रै संविधान र व्यवस्थालाई जोगाउने भएकाले निर्वाचन गर्नुकुरालाई पार्टीले मुख्य प्राथमिकतामा राखेको उल्लेख गरे।
बैठकमा समाजवादी मोर्चा विस्तार र एजेण्डा मिल्नेहरुसँग पार्टी एकताको विषयमा महाधिवेशन आयोजक समितिका संयोजक पुष्पकमल दाहालले जानकारी गराएका थिए। पार्टी एकताको सम्बन्धमा बृहत र सकारात्मक छलफल भइरहेको प्रवक्ता सापकोटाले बताए। त्यस्तै बैठकले राहत उद्दारमा संलग्न पार्टीका सवै पङ्तीलाई धन्यवाद दिदै राहत पुनर्निर्माणमा लाग्न आव्हान गरिएको उनले बताए।
माओवादी महाधिवेशन आयोजक समितिको सचिवालय बैठक दुई दिनपछि पुनः बस्ने र बिशेष महाधिवेशन लगाएत पार्टीको आन्तरिक बिषयमा छलफल हुने माओवादीले जनाएको छ।
_20251018164400.jpg)
_20251008145544.png)
