काठमाडौं। प्रधानमन्त्रीसमेत रहेका नेकपा (एमाले) का अध्यक्ष केपी शर्मा ओलीले पूर्व राष्ट्रपति विद्यादेवी भण्डारीले गलत मनशाय भएकाहरुको सहयोग खोजेको टिप्पणी गरेका छन् ।
विधान अधिवेशनको राजनीतिक प्रस्तावमाथि उठेका प्रश्नहरुको जवाफ दिने क्रममा ओलीले पूर्वराष्ट्रपति भण्डारीले सक्रिय राजनीनिमा आउन गलत मनशाय भएकाहरुको साथ खोजेको र उनी सक्रिय राजनीतिमा आउने कुरा सम्भव नरहेको बताएका हुन् ।
पूर्व राष्ट्रपति भण्डारीले सक्रिय राजनीतिमा आउने चाहना नराखेकै राम्रो हुने उनको भनाइ छ । ‘सक्रिय राजनीतिमा आउने चाहना राख्नुहुन्थ्यो । आएपछि पनि अध्यक्ष बन्न आउन खोज्नुभएको छ । यो अहिले सम्भव छैन । अध्यक्षविरुद्ध आलोचना, गलत मनसाय भएका साथीभाइको सहयोग खोज्न थाल्नुभयो,’– ओलीको भनाइ थियो ।
पूर्व राष्ट्रपति भण्डारीले एमालेको सदस्यता परित्याग गरिसकेको भन्दै ओलीले त्यो अवस्थामा पुन सदस्यताका लागि पुन प्रक्रियामा जानुपर्ने बताए । उनले भण्डारीले आफ्नो राष्ट्रपतिको कार्यकाल अत्यन्तै जिम्मेवारीका साथ र कुशलतापूर्वक पूरा गरेको पनि बताए ।
ओलीले भण्डारी सही ढङ्गले मध्यस्थता गर्न सक्ने सामर्थ्य भएको पूर्व राष्ट्रपति रहेको पनि बताए । ‘विद्या भण्डारीको सन्दर्भमा पार्टीमा दुई मत छैन । राष्ट्रपति बनायौँ । दोस्रो पटक पनि हुनुभयो । अत्यन्तै जिम्मेवारीका साथ कार्यकाल पूरा गर्नुभयो,’– ओलीले भने ।
_20250830200312.jpg)
_20250906081507.jpg)
_20250824114805.png)
