हकाठमाडौं। नेकपा (एमाले) का उपाध्यक्ष सुरेन्द्र पाण्डेले पूर्व राष्ट्रपति विद्यादेवी भण्डारीको सदस्यता पार्टीले रोक्न नमिल्ने बताएका छन् ।
आज (सोमबार) सेन्टर फर पब्लिक पोलिसि रिसर्चद्वारा आयोजित कार्यक्रमलाई सम्बोधन गर्दै उनले कोही पनि व्यक्तिलाई पार्टीमा काम गर्नका लागि संविधानले निषेध नगरेको बताएका हुन् । विद्या भण्डारीको सदस्यता रोकिएको विषयमा विधान महाधिवेशनमा फरक मत राखिने उनले बताए ।
‘विधान महाधिवेशनमा आउने प्रस्तावहरूमा पनि विमतिलाई समेटेर नगए फरक मत लेख्ने कुरा गरेका छौं । राख्छौं । कोही व्यक्तिलाई पार्टीमा काम गर्नको लागि संविधानले निषेध गरेको छैन,’– उनले भने ।
उपाध्यक्ष पाण्डेले कोही व्यक्ति पार्टीको सदस्य हुँदैमा अध्यक्ष नहुने र सदस्य हुनबाट कसैलाई पनि रोक्न नमिल्ने बताए । एमालेले पूर्व राष्ट्रपति भण्डारीलाई पार्टी सदस्यता नदिने निर्णय गरिसकेको छ । पार्टीको निर्णयविरुद्ध अहिले एमालेका नेता तथा कार्यकर्ता दुई ध्रुवमा विभाजित छन् । भण्डारी पक्षधर नेताहरुले विधान महाधिवेशनका फरक मत राख्ने तयारी गरेका छन् ।
_20250824114805.png)