काठमाडौंः आठ वर्षअघि बैतडीकी पूजा बोहराको सामूहिक बलात्कारमा संलग्न दुई जनालाई जनही साढे ११ वर्ष कैद हुने सर्वोच्च अदालतले ठहर गरेको छ । यसअघि दोषी ठहर भइसकेका सागर भट्ट र अम्मरराज अवस्थीलाई सर्वोच्चले जनही साढे ११ वर्ष कैद सजाय सुनाएको हो । दाषी ठहर भने कात्तिक ६ गते नै भइसकेको थियो ।
अदालतले बलात्कारको कसुरमा हुने सजायमा साढे ६ वर्ष र सामूहिक बलात्कारमा थप पाँच समेत गरी दुबैलाई साढे ११ वर्ष कैद सुनाएको हो । यस्तै, सरकारबाट पाँच लाख रुपैयाँ र दोषीबाट जनाही साढे दुई लाखका दरले हुन आउन पाँच लाख गरी दश लाख रुपैयाँ पीडितलाई भराउन पनि सर्वोच्चले फैसलमा उल्लेख गरेको छ ।
२०६७ सालमा एसएलसी परीक्षाको तयारी गरिरहेकी पूजामाथि सामूहिक बलात्कार भएको थियो। उक्त मुद्दामा जिल्ला अदालतले भने पीडकलाई १३ वर्ष कैद र ५० हजार रुपैयाँ जरिवाना हुने आदेश गरेको थियो। पुनरावेदन अदालतले उक्त आदेश बदर गरे पनि सर्वोच्चले त्यसलाई पुनः बदर गरेको हो ।
