काठमाडौं । विपक्षी दलको बैठकमा सहभागी भएकोभन्दै सत्ता गठबन्धनको बैठकमा दुईनेतसँग स्पष्टिकरण सोधिएको छ ।
बुधबार बिहान बालुवाटारमा बसेको सत्ता गठबन्धनको बैठकमा लोकतान्त्रिक समाजवादी पार्टी (लोसपा)का अध्यक्ष महन्थ ठाकुर र नागरिक उन्मुक्ति पार्टीकी अध्यक्ष रञ्जिता चौधरीसँग स्पष्टिकरणसोधिएको हो ।
बैठकमा सहभागी एक नेताका अनुसार, ठाकुरले आफूलाई झुक्याएर बैठकमा बोलाएको बताएका छन् । रञ्जिताले भने आफू पुग्दा बैठक सकिएको बताएकी थिइन् ।
कात्तिक २ गते बानेश्वरमा विपक्षी दलको बैठक बसेको थियो । त्यस बैठकमा राजनीतिक दलसम्बन्धी अध्यादेश ल्याउन लागेको लगायतका विषयमा छलफल भएको थियो ।
_20241020152337.png)
