काठमाडौं। संसद्बाट विश्वासको मत गुमाएसँग राष्ट्रपति रामचन्द्र पौडेललाई भेट्न शीतल निवास पुगेका प्रधानमन्त्री पुष्पकमल दाहाल ‘प्रचण्ड’ त्यहाँबाट खुमलटार गएका छन्।
खुमलटार प्रधानमन्त्री प्रचण्डको निजी निवास हो। संसद्बाट विश्वासको मत गुमाएसँगै प्रधानमन्त्रीको सरकारी निवास नगएर उनी खुमलटार गएका हुन्।
संसद्बाट विश्वासको मत गुमाएसँगै शीतल निवास पुगेका प्रचण्डले राष्ट्रपतिलाई जानकारी गराएका छन् । उनले नयाँ बन्ने सरकारका लागि संविधान नमिची आह्वान गर्न पनि राष्ट्रपतिलाई ध्यानाकार्षण गराएको स्रोतले बताएको छ।
