सुर्खेत । नेकपा (एकीकृत समाजवादी)का अध्यक्ष माधवकुमार नेपालले एमालेको झण्डा अब बाँधरले उठाउने भन्दै कटाक्ष गरेका छन् ।
समाजवादी प्रेस संगठन कर्णाली प्रदेशले सुर्खेतमा आयोजना गरेको पत्रका सम्मेलनमा बोल्दै नेता नेपालले एमाले महाधिवेशनमा गैडाले झण्डा उठाएकोप्रति कटाक्ष गर्दै भने, ‘अब गैडाले पार लाउन सकेन भने एमालेको झण्डा बाँदरले उठाउनेछ ।’
अध्यक्ष नेपालले एमालेको झण्डा उठाउने मान्छे नपाएर जनावरको हातमा पुगेको कटाक्ष समेत गरे ।
एमाले कम्युनिष्ट पार्टी नभएको भन्दै अध्यक्ष नेपालले एमालेमा रहेका कम्युनिष्टहरु समाजवादीमा लामबद्ध भइसकेको दाबी समेत गरे ।
पार्टी एकीकरणका सवालमा उनले अहिले कुनै पार्टीसँग एकता नहुने तर, पार्टी निर्माणको अभियानमा लागेको देशभर उत्साहजनक उपस्थिति रहेको बताए ।
अदालतमा रहेको विवादका विषयमा पाँच दलको बैठकले प्रधानमन्त्री शेरबहादुर देउवालाई समस्या समाधानका लागि सुझाव दिएको भन्दै चाँडौ निकास निस्किने दावी गरे ।
