काठमाडौं । मन्त्रिपरषदको सिफारिसमा प्रदेश–१, कर्णाली र सुदूरपश्चिमका प्रदेश प्रमुखहरू फेरिएका छन् । आज बसेको मन्त्रिपरिषद्को बैठकले फेरिएका तीन नयाँ प्रदेश प्रमुखहरुको नाम राष्ट्रपति समक्ष पठाएको थियो ।
राष्ट्रपति विद्यादेवी भण्डारीले मन्त्रीपरिषद्को उक्त निर्णयलाई स्वीकृत गरेकी हुन् । राष्ट्रपति कार्यालयद्वारा एक विज्ञप्ति जारी गर्दै तीन प्रदेशमा प्रमुख फेरिएका हुन् ।
जारी विज्ञप्ति अनुसार प्रदेश–१ का सोमनाथ अधिकारी ‘प्यासी’, कर्णालीका गोविन्दप्रसाद कलौनी र सुदूरपश्चिमका गंगाप्रसाद यादव प्रदेश प्रमुखबाट पदमुक्त भएका छन् । त्यस्तै सोही स्थानमा प्रदेश–१ मा पर्शुराम खापुङ, कर्णालीमा तिलक परियार र सुदूरपश्चिममा देवराज जोशी नयाँ प्रदेश प्रमुख तोकिएका छन् ।
