पोर्चुगलको नेपाली समुदायमा लोकप्रीय व्यक्तित्व युवराज पन्थीले नेपाली जनसम्पर्क समिति पोर्चुगलको सभापतिमा उम्मेद्वारी दिने घोषणा गरेका छन् । आफ्नो १२ बुँदे प्रतिवद्धता सार्वजनिक गर्दै उनले पोर्चुगलमा रहेका नेपालीहरुको हक हितमा काम गर्न प्रतिवद्ध रहेको बताएका छन् । नेपाली काँग्रेस निकट नेपाली जनसम्पर्क समिति पोर्चुगलको अधिवेशन हुँदैछ ।
गुल्मी जिल्लाको धुर्कोट गाँउपालिका बस्तुमा जन्मिएका पन्थीले २०३६ सालको जनमत संग्रहदेखि पोर्चुगलका विभिन्न संघसंस्थामा रहँदाको राजनीति अनुभव, योग्यता, क्षमतालाई जनसम्पर्क समितिमा प्रयोग गर्ने लक्षका साथ सभापतिमा उम्मेद्वारी दिएको बताउँछन् ।
छैठौं अधिवेशनबाट आउने नेतृत्वले पोर्चुगललाई असल, सक्षम, र आर्थिक रुपमा अझ सबल पारदर्शी बनाउनुपर्ने उनको बुझाइ रहेको छ । संगठनलाई विश्वभरका जनबर्गीय संगठनहरुमाझ नमुना बनाउनका साथै सबैको साथी र सारथी बनाउँदै संगठन प्रति आकर्षण बढाउन आफू प्रतिवद्ध रहेको उनले बताएका छन् ।
२०३९ सालमा नेबिसंघ जिल्ला कार्य समिति गुल्मीको कोषाध्यक्ष भएर काम गरेका उनी जन आन्दोलनको पूर्व तयारीका २०४५ सालमा क्रममा १ महिना जेल पनि परेका थिए । बस्तु गाउँ विकास समिति गुल्मीको २०५४ सालमो निर्वाचित उपाध्यक्ष बनेका उनी दोस्रो जन आन्दोलन २०६२-०६३ मा काठमाडौमा संलग्न भएका थिए । साथै उनी २०६८ सालमा नेपाली जनसम्पर्क समिति नेदरल्याण्डको कोषाध्यक्ष बनेका थिए । २०७२ सालमा नेपाली जनसम्पर्क समिति पोर्चुगलको कार्यसमिति सदस्य बनेका उनी २०१८ मा भएको अधिवेशनमा उपाध्यक्षमा लडेका थिए । यीनै अनुभवको आधारमा यसपटक सभापतिमा उम्मेद्वारी दिएको उनले बताए ।
यस्ता छन् पन्थीका प्रतिवद्धता
१) संवादबाट सहमति सहकार्य र एकतामा जोड
२) आत्मनिर्णय गर्ने क्षमता, अनुभव र योग्यताका आधारमा संगठनलाई नितिगत र प्रक्रियासम्मत संचालन गर्ने,
३) संगठनलाई सशक्त, सुदृढ़ र बलियो बनाउन सामूहिक नेतृत्वमा जोड दिने ।
४) संगठनमा बिगतको अनुभव, योग्यता र क्षमताका आधारमा आत्मनिर्णय गर्न सक्ने ।
५). राजनीतिक एजेन्डाहरूमा साँगठानिक तवरबाट सैद्वान्तिक बहस गर्ने ।
६) संगठनमा सबैको अपनत्व बोध गराउन– सम्पुर्ण आस्थावान सक्रिय सदस्यहरू, बौद्विक ब्यक्तित्व, पेशा ब्यवसायी र समाजसेवीहरूसंग परामर्श र छलफल पश्चात् अघि बढ्ने ।
७) संगठनमा स्थापना समयदेखि निरन्तर लागिरहनु हुने सबै अग्रजहरूलाई आदर, सत्कार र सम्मान गर्ने ।
८) नेपाली काँग्रेस पार्टी र नेपाली जनसम्पर्क समिति बिचको सम्बन्धलाई अझ सशक्त र प्रभावकारी बनाउन समन्वयकारी भूमिका निर्वाह गर्ने ।
९) संगठनमा कामका आधारमा कार्यक्षमताको मुल्याँकन गर्दै बिभेद र निषेधको राजनीतिविरूद्व नितिगत रूपमा एकवद्ध हुने ।
१०) विदेशमा रहेका हरेक जसस लगायतका पार्टीका निकायहरूसँग समन्वय गरी आपसी सम्बन्धलाई प्रगाढ़ बनाउने ।
११) कार्यालय स्थापना गरि नियमित संचालन र नव आगन्तुकको सहयोगको लागि हेल्प डेस्कको स्थापना ।
१२) प्रभावकारी लेबी संकलनलाई पारदर्शी बनाउने ।
_20241127162555.jpg)
