काठमाडौं । प्रधानन्यायाधीश चोलेन्द्र शमशेर जबराले अदालतमा आएर सनाखत गराएको अवस्थामा १ सय ४६ जना सांसदको हस्ताक्षरलाई आधार मान भन्न मिल्छ र ? भन्दै प्रश्न गरेका छन् ।
आइतबार संघीय प्रतिनिधिसभाका सभामुख अग्निप्रसाद सापकोटाका तर्फबाट बहस गरिरहेका अधिवक्ता मेघराज पोख्रेललाई संसद विघटन मुद्धामा अदालतमा आएर सनाखत गराएको अवस्थामा बहुमत पुग्छ भनेर अदालतले प्रधानमन्त्री नियुक्त गर्न मिल्छ ? भन्दै प्रश्न गरेका हुन् ।
‘१४६ सांसद अदालत आउनुभएको छ । अब बहुमत पुगेछ भनेर अदालतले नै प्रधानमन्त्री नियुक्तिको विषयमा निर्णय गरिदिनु संवैधानिक हुन्छ ?’, प्रधानन्यायाधीश राणाले सोधे, ‘७६(५) अनुसार त्यसो गर्न मिल्छ अदालतले ?’
जवाफमा अधिवक्ता पोख्रेलले अदालतले नियुक्तिभन्दा पनि संवैधानिक व्याख्या गरिदिनुपर्ने बताए । संविधानको धारा ७६ (७) बारे सम्झाउँदै प्रधानन्यायाधीश राणाले भने, ‘हामी सवैधानिक अभ्यासमा छौं । समय अनुसार, संवैधानिक अभ्यास पनि रुपान्तरण हुन्छ ।’
_20241127162555.jpg)
