काठमाडौं । पार्टीको १४ औं महाधिवेशनको संशोधित कार्यतालिका अनुमोदन गर्न नेपाली कांग्रेस केन्द्रीय समितिको बैठक आज बस्दैछ । कांग्रेसका पदाधिकारी एवं पूर्व पदाधिकारीहरुको बैठकले महाधिवेशन कार्यकतालिका संशोधन गरिसकेको छ । संशोधित कार्यतालिका अनुसार महाधिवेशन भदौ १६ देखि १९ गतेसम्म गर्न प्रस्ताव गरिएको छ ।
महाधिवेशनका लागि महत्वपूर्ण मानिने क्रियाशील सदस्यताको टुंगो लाग्न बाँकी छ । नयाँ कार्यतालिका अनुसार सदस्यता छानबिन समितिले असार २० गतेभित्र सदस्यताको सूची केन्द्रीय समितिमा बुझाउनेछ ।
त्यस्तै केन्द्रीय समितिले असार २४ गतेसम्म अन्तिम सदस्यता सूची निर्वाचन समितिलाई बुझाउनुपर्नेछ । साउन ६ गतेदेखि कांग्रेसको तल्लो तहका अधिवेशनहरु सुरु हुनेछ । दिउँसो २ बजेपछि पार्टी केन्द्रीय कार्यालय सानेपामा बस्न लागेको वैठकमा समसामयिक राजनीतिक विषयमा समेत समीक्षा हुनेछ ।
_20241127162555.jpg)
