प्रेस काउन्सिल नेपालले निषेधाज्ञाको समयमा ६५ सञ्चारमाध्यमले आचारसंहिता उल्लंघन गरेको बताएको छ । बैशाख १६ गतेदेखि आजसम्मको अवधिमा ती सञ्चारमाध्यमले आचारसंहिता तोडेका हुन् ।
पत्रकार आचारसंहितासम्बन्धी उजुरी अनलाइनमार्फत् दिन सकिने व्यवस्था गरिएकोमा उक्त अवधिमा भएका अनुगमन र कारबाहीसम्बन्धी मुख्य ६५ सञ्चारमाध्यम,वेभपोर्टलमा आचारसंहिता उल्लंघन भएको देखिएको बताइएको छ ।
निषेधाज्ञाको अवधिमा कोरोना संक्रमणभन्दा फरक विषयमा दुई मिडियासँग जवाफ मागिएको र तीन मिडियासँग स्पष्टिकरण सोधिएको छ । त्यस्तै,भ्रमपूर्ण, अफवाहपूर्ण सामग्री सम्प्रेषण गरेको भन्दै दर्ता नभएका ३८ वटा साइट बन्द गरिदिन सम्वन्धित निकायलाई पत्राचार गरिएको काउन्सिलको विज्ञप्तिमा उल्लेख छ ।
उक्त अवधिमा ९ वटा सञ्चारमाध्यमविरुद्ध उजुरी दर्ता भएको र सोसम्बन्धी कारबाही प्रक्रिया अगाडि बढाइएको थियो ।
काउन्सिलले निरन्तर सञ्चारमाध्यमको अनुगमन गरिरहेको र कोरोना संक्रमण नियन्त्रणका लागि जारी निषेधाज्ञाको समयमा पनि कडाइका साथ काम गरिरहेको बताइएको छ ।
