काठमाडौं । अर्थमन्त्री विष्णुप्रसाद पौडेलले ताजा जनादेशका लागि मुलुक निर्वाचनमा गइसकेकोले निर्वाचनका लागि स्रोतको प्रबन्ध पनि अर्थ मन्त्रालयले गरेको बताएका छन् ।
नेपाल कम्यूनिष्ट पार्टी लुम्विनी प्रदेश सम्पर्क कमिटीले गरेको प्रदेशस्तरीय सम्पर्क कार्यकर्ता भेलामा उनले सरकार र सुरक्षा निकाय तोकिएकै समयमा निर्वाचन गराउनमा केन्द्रित भइसकेको जानकारी पनि दिए । उनले कार्यकर्तालाई पनि सक्रियरुपमा तयारीमा लाग्न आग्रह गरे ।
मन्त्री पौडेलले प्रतिनिधिसभाको पुनःस्थापना हुने सम्भावना नरहेको बताउदै निर्धारित समयमा नै निर्वाचन हुने उल्लेख गरे ।
