दाङ । महिला सहकर्मीलाई यौन दुर्व्यवहार गरेको भिडियो सामाजिक सञ्जालमा सार्वजनिक भएपछि घोराहीका एक शिक्षकलाई प्रहरीले पक्राउ गरेको छ ।
जाहेरी परेपछि सिद्धार्थ एकेडेमीका शिक्षक शिवकुमार रानालाई पक्राउ गरिएको प्रहरीले जनाएको छ ।
भिडियो सामाजिक सञ्जालमा सार्वजनिक भएपछि विद्यालय प्रशासनले पनि उनलाई सेवाबाट बर्खास्त गरेको छ ।
विद्यालयले विज्ञप्ति जारी गर्दै शिक्षक रानालाई कानुनी कारबाहीको प्रक्रियामा सहयोग गर्ने पनि जनाएको छ ।
शिक्षिकाले कैंची माग्दा रानाले आफ्नो यौनांगमा राखेर आफैं लैजाऊ भनेर जिस्क्याएको भिडियो सार्वजनिक भएको थियो । कान्तिपुर दैनिकमा खबर छ ।
