काठमाडौं । यूइएफए च्याम्पियन्स लिगको उपाधि जर्मन क्लब बायर्न म्युनिखले हात पारेको छ ।
गएराति भएको फाइनल खेलमा फ्रेञ्च च्याम्पियन पेरिस सेन्ट जर्मन (पीएसजी) लाई १–० ले हराउँदै बायर्नले छैटौंपटक च्याम्पियन्स लिगको उपाधि उचालेको हो ।
पोर्चुगलको स्टाडियो डा लुजमा भएको खेलको ५९औं मिनेटमा जोसुवा किमिचको क्रसलाई हेडमार्फत गोलमा परिणत गर्दै कोमनले बायर्नको जीत सुरक्षित गरे ।
पहिलोपटक च्याम्पियन्स लिगको पाइलनमा पुगेको पीएसजी इतिहास रच्ने मौका गुमायो ।
