एफ ए कपको उपाधि आर्सनलले जितेको छ ।
गएराति भएको फाइनल भिडन्तमा चेल्सीलाई २-१ गोलले पराजित गर्दै आर्सनलले उपाधि उचालेको हो ।
आर्सनलको जीतमा दुबै गोल अबुमयाङले गरे ।
चेल्सीका लागि क्रिस्टियन पुलासिकले शुरूआती गोल गरेपनि त्यो अग्रता लामो समय कायम रहन सकेन ।
यससँगै मिकेल अर्टेटाले आफ्नो पहिलो सिजनमा नै आर्सनललाई उपाधि जिताएका छन् ।
म्यान्चेस्टर सिटीको सहायक प्रशिक्षक रहेका अर्टेटाले यसै सिजनको मध्यबाट आर्सनलको नेतृत्व सम्हालेका थिए ।
अर्टेटाले आफ्नो खेल जीवनको अन्त्य भने आर्सनलबाटै गरेका थिए ।
