काठमाडौं । पछिल्लो २४ घण्टायता ३१६ जना कोरोना संक्रमित थपिएका छन् । स्वास्थ्य तथा जनसंख्या मन्त्रालयले दिएको जानकारी अनुसार २४५ जना पुरुष र ७१ जना महिला गरी आज ३१६ जना संक्रमित थपिएका हुन् ।
यससँगै नेपालमा कोरोना संक्रमितको संख्या १३ हजार ५ सय ६४ पुगेको छ । जसमध्ये ११ हजार ९ सय ७ जना पुरुष र १ हजार ६ सय ५७ जना महिला रहेका छन् ।
आज कुल ९० जना संक्रमित डिस्चार्ज भएका छन् । यससँगै नेपालमा ३ हजार १ सय ९४ जनाले कोरोनालाई जितेका छन् । जसमध्ये २७७ जना महिला र २ हजार ९ सय १७ जना पुरुष रहेका छन् । संक्रमितमध्ये २९ जनाको निधन भैसकेको छ । पछिल्लो २४ घण्टामा केवल ४ हजार ७ सय ११ जनाको मात्र कोरोना परीक्षण भएको थियो ।
