काठमाडौं । कोरोना भाइरस नियन्त्रणको लागि नेपालमा ७० दिनयता लकडाउन जारी छ । लकडाउनको बेला पनि सडकमा बाक्लै सवारी साधन चलिरहेकोले सरकारको चर्को आलोचना पनि हुँदै आएको छ । सवारी पासहरु धेरै बाँडेको भनेर सम्बन्धित निकायको पनि चर्को आलोचना भइरहेकै छ । तर सडकमा सवारी साधन धेरै चल्नुमा नक्कली पासको प्रयोग हुने गरेको हालै खुलासा भएको छ ।
लकडाउनको बेला निजामती कर्मचारीका सहसचिवको हस्ताक्षरसहित मन्त्रालयले जारी गर्ने सवारी पास नक्कल गराएर दुरुपयोग गरि सवारी साधन प्रयोमा आउने गरेको तथ्य हालै सार्वजनिक भएको हो । यस्को उदाहरण हुन् सजन देवकोटा, जस्ले उद्योग, वाणिज्य र आपूर्ति मन्त्रालयको नामबाट जारी पासको नक्कली प्रति बनाई होन्डाईको क्रेटा गाडी प्रयोग गर्दै आएको खुलासा भएको छ । मन्त्रालयको नाममा गराइएको नक्कली सवारी पासमा ३ ९०१९ ०२२ च ६०१० सवारी साधनको नम्बर उल्लेख छ भने प्रयोग कर्ताको नाममा सजन देवकोटा रहेको छ ।
सवारी साधन प्रयोग गर्ने कार्यलयको नाम शंकर ग्रुप रहेको छ । उक्त पासका बारेमा हामीले मन्त्रालयका प्रवक्ता एवं सहसचिव प्रकाश दाहालसँग सिंहदरवार स्थित कार्यकक्षमै गएर पासको फाईन हेर्दा नक्कली भएको प्रमाणित भएको हो । सो सवारी पासको कुनै प्रक्रिया मन्त्रालयमा नभएको पाइएको हो ।
घरानियाको चर्चा बटुलेका उनले लकडाउनको अबधीमा सन्चालनमा ल्याइएको सवारी पास नक्कली गराएर दुरुपयोग गरेको यो उदाहरण मात्र हो । यस्ता नक्कली पास भएका सवारीहरु लकडाउनको समयमा धेरै नै चलेको अनुमान गरिएको छ ।
