काठमाडौं । सरकारले आगामी वर्ष मुलुकलाई साक्षर नेपाल घोषणा गर्ने भएको छ । संघीय संसद्मा बजेट पेस गर्दै अर्थमन्त्री डा. युवराज खतिवडाले शिक्षा क्षेत्रमा एक खर्ब ७१ अर्ब ७१ करोड बजेट विनियोजन गरेको जानकारी दिए ।
यस्तै, सरकारले कोभिड प्रकोपका कारण भर्चुअल कक्षालाई प्राथमिकतामा राखेको छ । हाल ४३ जिल्लामा कायम रहेको दिवा खाजा कार्यक्रमलाई देशभर विस्तार गर्ने भएको छ ।
यस्तै, स्थानीय तहमार्फत वितरण गर्नेगरि १३ लाख छात्रालाई प्याड वितरण गर्नका लागि पनि सरकारले बजेट विनियोजन गरेको छ । निःशुल्क पाठ्यपुस्तक समयमा नै विद्यार्थीबीच पुर्याउन सरकारले दुई अर्ब ७६ करोड रुपैयाँ रकम विनियोजन गरेको छ ।
सरकारले विश्वविद्याय अनुादन आयोगमार्फत बाँडिने रकम नतिजामा आधारित बनाउने भएको छ ।
