काठमाडौँ । राष्ट्रिय स्वतन्त्र पार्टी (रास्वपा) का सभापति रवि लामिछाने तीन दिने निजी तथा पारिवारिक तीर्थाटनका लागि भारत प्रस्थान गरेका छन्। उनी श्रीमती निकिता पौडेलका साथ धनगढी हुँदै भारततर्फ लागेका हुन्।
सभापति लामिछानेको निजी सचिवालयले प्रेस विज्ञप्ति जारी गर्दै उनी आजैदेखि तीन दिनका लागि भारत भ्रमणमा निस्किएको जानकारी दिएको छ।
तीन दिने आध्यात्मिक यात्राका क्रममा लामिछानेले धनगढी हुँदै भारतको उत्तराखण्डस्थित नैनीतालमा रहेको प्रसिद्ध कैँची धाम र आसामको गुवाहाटीस्थित कामाख्या मन्दिरमा सपरिवार पूजाअर्चना गर्ने कार्यक्रम तय भएको छ।
पारिवारिक तथा धार्मिक भ्रमण सम्पन्न गरी उनी तीन दिनपछि स्वदेश फर्किने सचिवालयले जनाएको छ।
