काठमाडाैं। नेपाली बजारमा हप्ताको अन्तिम दिन शुक्रबार सुन र चाँदी दुवैको मूल्यमा भारी वृद्धि भएको छ।
नेपाल सुनचाँदी व्यवसायी महासंघले सार्वजनिक गरेको विवरण अनुसार आज छापावाल सुनको मूल्य एकैदिन तोलामा ५ हजार ३०० रुपैयाँले बढेर प्रति तोला २ लाख ९२ हजार रुपैयाँ कायम भई कारोबार भइरहेको छ।
यसअघि बिहीबार बजारमा सुनको मूल्य प्रति तोला २ लाख ८६ हजार ७०० रुपैयाँमा कारोबार भएको थियो।
सुनको मूल्यसँगै आज चाँदीको मूल्यमा पनि उल्लेखनीय वृद्धि देखिएको छ। महासंघका अनुसार चाँदीको मूल्य प्रति तोलामा १९० रुपैयाँले बढेर ४ हजार ८४० रुपैयाँमा कारोबार भइरहेको छ।
बिहीबार नेपाली बजारमा चाँदीको मूल्य प्रति तोला ४ हजार ६५० रुपैयाँ कायम रहेको थियो। अन्तर्राष्ट्रिय बजारमा आएको उतारचढावका कारण स्थानीय बजारमा पनि सुनचाँदीको भाउले नयाँ रेकर्ड कायम गरेको व्यवसायीहरूले बताएका छन्।
