काठमाडौं। नेपाली बजारमा केही दिनयता ओरालो लागेको सुनको मूल्य बिहीबार बढेको छ। बुधबारको तुलनामा बिहीबार छापावाल सुनको मूल्य प्रतितोलामा ४ हजार ३०० रुपैयाँले बढेको नेपाल सुनचाँदी व्यवसायी महासंघले जनाएको छ।
योसँगै बिहीबार छापावाल सुनको मूल्य प्रतितोला ३ लाख ४ हजार ७०० रुपैयाँ तोकिएको महासंघले जनाएको छ। बुधबार सुनको मूल्य ३ लाख ४०० रुपैयाँमा कारोबार भएको थियो।
यसैगरी, बिहीबार चाँदीको मूल्य तोलामा १८० रुपैयाँले बढेर ५ हजार ६० रुपैयाँ कायम गरिएको महासंघले जनाएको छ। बुधबार चाँदीको मूल्य ४ हजार ८८० रुपैयाँ थियो।
