काठमाडौं। नेपाल समाजवादी पार्टी (नयाँ शक्ति) का अध्यक्ष एवं पूर्व प्रधानमन्त्री डा.बाबुराम भट्टराईले रूपन्देही–३ को आसन्न प्रतिनिधिसभा उपनिर्वाचनमा वैकल्पिक शक्तिहरुले साझा उम्मेदवार उठाउनुपर्ने धारणा व्यक्त गरेका छन् । उक्त निर्वाचन सामान्य नभएर ऐतिहासिक महत्वको पनि हुनसक्ने उनको बुझाइ छ ।
नयाँ र वैकल्पिक शक्तिहरूले एकताबद्ध र सुझबुझपूर्ण तबरले जनताको पुराना शक्तिप्रतिको निराशा र आक्रोशलाई प्रष्ट अग्रगामी विकल्पको मार्गचित्रसहित सकारात्मक विजयमा परिणत गर्न सक्नुपर्ने उनको भनाइ छ । यो २०८४ को निर्वाचनकालागि राम्रो प्रारम्भिक रिहर्सल हुनसक्ने उनको अनुमान छ ।
‘नयाँ र वैकल्पिक शक्तिहरूका जिम्मेवार नेताहरूले उक्त निर्वाचन क्षेत्रका राम्रा सम्भावना संगसंगै ठोस विशेषता र चुनौति समेतलाई ध्यान दिएर एक्लाएक्लै डम्फू बजाउनु सट्टा उपयुक्त साझा उमेदवार उठाउने र जनताको भावनालाई कदर गर्नेतर्फ ध्यान दिउन्,’– उनले भनेका छन् ।
प्रतिनिधिसभा सदस्य चयनका लागि रुपन्देही–३ मा आगामी कात्तिक १७ गते उपनिर्वाचन हुँदैछ ।
_20250824114805.png)