विराटनगर। प्रधानमन्त्री केपी शर्मा ओलीले संविधान संशोधनका लागि छलफल चलिरहेको बताएका छन् ।
सोमबार विराटनगर विमानस्थलमा मोरङका सञ्चारकर्मीसँग संक्षिप्त प्रतिक्रिया दिँदै ओलीले अहिले संविधान संशोधनका लागि छलफल अघि बढेको बताएका हुन् ।
उनले आर्थिक सुधारका एजेण्डाका लागि सरकारले काम गरिरहेकोसमेत उल्लेख गरेका छन् । प्रधानमन्त्री ओली धरानस्थित बीपी कोइराला स्वास्थ्य विज्ञान प्रतिष्ठानको दीक्षान्त समारोहमा सहभागी हुन विराटनगर हुँदै त्यसतर्फ निस्किएका हुन् ।
