सोलुुखुम्बु : दुधकोशीको मुहान सगरमाथा क्षेत्रको गोक्यो तालमा पर्वतीय खेल पर्यटनलाई प्रबर्द्धन गर्न आइस हक्की र स्केटिङ प्रतियोगिता हुने भएको छ।
नेपाल गन्तव्यको प्रबर्द्धन गर्ने र तत्काललाई भ्रमण वर्ष २०२० लाई सहयोग पुग्नेगरी फागुन २ गते मैत्रीपूर्ण प्रतियोगिता आयोजना गरिएको भ्रमण वर्ष नेपाल २०२० का संयोजक सुरज बैद्यले जानकारी दिए। आइस हक्की र आइस स्केटिङलाई भ्रमण वर्ष २०२० को नयाँ नेपाली प्रडक्टका रुपमा ल्याउने आफूहरुको उद्देश्य रहेको उनको भनाइ छ।
गोक्यो क्षेत्रमा ६ वटा मुख्य तालहरु रहेका छन्। उक्त क्षेत्रलाई रामशार क्षेत्र घोषणा गरिएको छ।तालमा अहिले हिउँ जमेका कारण खेलका लागि उपयुक्त भएको आयोजकको भनाइ छ। सो ताल अमेरिकी विशेषज्ञको स्थलगत अध्ययनबाट पनि उपयुक्त देखिएको वैद्यले बताए।
