काठमाडौं । चीन भ्रमणमा गएका राष्ट्रिय स्वतन्त्र पार्टी (रास्वपा)का नेताहरू भ्रमण छोट्याएर स्वदेश फर्केका छन् ।
१० दिनको भ्रमणमा चीन गएका रास्वपाका नेताहरू सहकारी प्रकरणमा पार्टी सभापति रवि लामिछानेलाई पक्राउ गर्ने सम्भावना बढेको भन्दै बिहीबार स्वदेश फर्किएका हुन् । स्वदेश फकिएपछि रास्वपाका कार्यवाहक प्रवक्ता मनिष झाले अरुलाई जोगाउनका लागि आफ्ना सभापतिलाई मात्रै ‘टार्गेट’ बनाउन खोजिएको भन्दै कुनै पनि राजनीतिक प्रतिशोधको कडा रूपमा प्रतिकार गर्ने बताए ।
पार्टी सभापति लामिछानेलाई व्यक्तिगत रूपमा संलग्न भएर सहकारीबाट रकम नलिएको छानबिन समितिले नै प्रष्ट उल्लेख गर्दा पनि जबरजस्ती अपराधी बनाउन खोजिएको जिकिर गरे ।
उनले सहकारी प्रकरण, पछिल्लो राजनीतिक अवस्थाका बारेमा शुक्रबार पत्रकार सम्मेलन गरी आधिकारिक धारणा तय गर्ने जानकारी दिए । त्यस्तै, रास्वपा उपसभापति डा। स्वर्णिम वाग्लेले लामिछानेमाथिको प्रहार व्यक्तिमाथिको नभई संस्थामाथिको प्रहार भएकाले प्रतिकार गर्ने स्पष्ट पारे । वाग्लेको नेतृत्वमा १४ जना रास्वपा नेता शनिबार चीन भ्रमणमा गएका थिए ।
_20241020152337.png)
