काठमाडाैं। रुसी राष्ट्रपति भ्लादिमिर पुटिन मंगलबार ‘मैत्रीपूर्ण’ भ्रमणका क्रममा उत्तर कोरिया जाने क्रेमलिनले घोषणा गरेको छ।
विश्वको सबैभन्दा एकान्त मुलुक उत्तर कोरियाको भ्रमण पुटिनले सन् २०२२ फेब्रुअरीमा सुरु गरेको आफ्नो सैन्य अभियानलाई जारी राख्नका लागि गोला बारुद मागिरहेको बेला भइरहेको छ। यसले मस्कोले अभूतपूर्वरूपमा एक्लो पारेको छ।
रुसको सुदूरपूर्वको दुर्लभ विदेश भ्रमणमा उत्तर कोरियाका नेता किम जोङ उनलाई आतिथ्यता गरेको नौ महिनापछि पुटिनको यो भ्रमण हुन लागेको छ। उक्त भ्रमणमा दुवै नेताले एक अर्काको प्रशंसा गरेका थिए।
“राष्ट्रपति भ्लादिमिर पुटिनले जुन १८ देखि १९ सम्म उत्तर कोरियाको मैत्रीपूर्ण राजकीय भ्रमण गर्नुहुनेछ”, क्रेमलिनले एक विज्ञप्तिमा भनेको छ। त्यसपछि उनले भियतनामको भ्रमण गर्नेछन्।
पश्चिमी मुलुकहरू, दक्षिण कोरिया र किएभले उत्तर कोरियामाथि राष्ट्रसंघीय प्रतिबन्धको उल्लंघन गर्दै युक्रेनमा प्रयोगका लागि मस्कोमा हतियार पठाएको आरोप लगाएका छन्।
बदलामा रुसले प्योङयाङलाई उसको उपग्रह कार्यक्रमका लागि प्राविधिक सहायता प्रदान गरेको र खाद्यान्नको संकटग्रस्त मुलुकलाई सहायता पठाएको वासिङ्टन र सोलले बताएका छन्।
युक्रेनमाथि आक्रमण सुरु गरेपछि पुटिनले विदेश भ्रमण कम गरेको छ तर चीन जस्ता मस्कोका केही प्रमुख सहयोगीहरूको केही उच्च प्रोफाइल भ्रमण गरेका छन्।
सानो भूमि साझा गर्ने रुस र उत्तर कोरियाबीच ऐतिहासिक सम्बन्ध छ। सन् १९५० को दशकमा कोरियाली युद्धपछि सोभियत संघले उत्तर कोरियाको स्थापना गर्न सहयोग गरेको थियो।
सोभियत संघको पतनपछि रुस प्योङयाङसँग कामकाजी सम्बन्ध राख्ने केही मुलुकमध्येको एक थियो।
चौबिस वर्षअघि राष्ट्रपति बने लगत्तै किम जोङ उनका पिता किम जोङ इलसँग भेट्न गरेको भ्रमणपछि पुटिनको यो दोस्रो उत्तर कोरिया भ्रमण हुनेछ।
त्यसबेला पुटिनले बारम्बार भ्रमण गर्थे। नियमितरूपमा अमेरिका र युरोपको भ्रमण गर्थे। अहिले रुसले आफूलाई ठूलो अन्तर्राष्ट्रिय प्रतिबन्धअन्तर्गत पाएको छ र पुटिन अधिकांश पश्चिमी संसारमा अवाञ्छित व्यक्ति बनेका छन्। उनी आधिकारिकरूपमा अन्तर्राष्ट्रिय फौजदारी अदालत (आइसिसी) को खोजीमा छन्।
किमले गत साता रुससँगको सम्बन्ध ‘कमरेड-इन-आर्म्सको अटुट सम्बन्धमा विकसित भएको’ बताएका थिए।
मार्चमा रुसले उत्तर कोरियाली प्रतिबन्धको उल्लंघनको राष्ट्रसंघीय निगरानीलाई प्रभावकारीरूपमा अन्त्य गर्न आफ्नो राष्ट्रसंघीय सुरक्षा परिषद्को भिटो प्रयोग गरेको थियो। उक्त कदमलाई प्योङयाङको जितको रूपमा हेरिएको थियो।
