काठमाडौँ । नेकपा अध्यक्ष केपी शर्मा ओली सामाजिक सञ्जालमा निकै सक्रिय छन् । उनी दिनभर भएका गतिविधिका तस्बिहरू सामाजिक सञ्जालमा शेयर गर्दै क्याप्सन पनि लेख्छन् । आज भने ओली एक सिम्बोलिक तस्बिर फेसबुकमा शेयर गरेका छन् ।
एमाले विभाजन गरेर नेकपा एकीकृत समाजवादी बनाएका माधवकुमार नेपालसहितको आफ्नो तस्बिर उनले फेसबुकमा शेयर गरेका छन् । प्रतिनिधिसभाको अन्तर्राष्ट्रिय सम्बन्ध समितिको बैठकको तस्बिर उनले फेसबुकमा शेयर गरेका हुन् । समितिको बैठकमा यी दुई पूर्वप्रधानमन्त्रीहरूको सिट सँगै राखिएको थियो ।
ओलीले बैठकको तस्वीर भन्दै यो तस्बिर शेयर गरेका हुन् । उनले थप कुरा केही उल्लेख गरेका छैनन् । ओलीले फेसबुकमा यो तस्बिर शेयर गरे पनि यी दुई नेताबीच सम्बन्ध भने राम्रो छैन । बोल्ने मौका पाए दुवै नेताले एकअर्काको तीव्र आलोचना गर्दै आएका छन् ।
