काठमाडौं । पछिल्लो २४ घण्टामा देशभर ४ सय ४७ जनामा कोरोनाभाइरस संक्रमण पुष्टि भएको छ ।
पछिल्लो २४ घण्टामा ९ हजार ९१३ जनामा कोरोना परीक्षण गर्दा ४ सय ४७ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
देशभर हालसम्म पीसीआर विधिबाट ८ लाख १३ हजार ८२८ जनाको र एन्टिजेन विधिबाट ९४ हजार ७२६ जनामा परिक्षण गरिएको मन्त्रालयले जनाएको छ ।
पछिल्लो २४ घण्टामा कोरोना संक्रमणबाट ७ जनाको मृत्यु भएको छ । योसँगै हालसम्म कोरोना संक्रमणबाट मृत्यु हुनेको संख्या ११ हजार ४ सय ३४ जना पुगेका छन् ।
हालसम्म ७ लाख ९३ हजार २७१ जना संक्रमण निको भएका छन् ।
