काठमाडौं । पछिल्लो २४ घण्टामा देशभर ८०५ जनामा कोरोना संक्रमण पुष्टि भएको छ । ७ हजार २ सय ६४ जनामा पिसिआर परिक्षण गर्दा ६ सय ६७ जनामा र ३ हजार ४ सय ८ एन्टीजेन परिक्षण गर्दा १ सय ३८ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
यो संगै नेपालमा कोरोना संक्रमितको संख्या ८ लाख ९३ हजार ७२ पुगेको छ ।
पछिल्लो २४ घण्टामा कोरोना संक्रमणबाट ८ जनाको मृत्यु भएको छ । यो संगै नेपालमा कोरोनाका कारण ११ हजार २ सय जनाको मृत्यु छ ।
त्यस्तै सोही समयमा ९११ जनाले कोरोना जितेका छन् । योसँगै हालसम्म कोरोना जित्नेको संख्या ७ लाख ७३ हजार १ सय ४० जना पुगेको छ ।
हाल नेपालमा १५ हजार ९ सय ४२ सक्रिय संक्रमित आइशोलेशन र २ सय ४२ जना क्वारेन्टाइनमा रहेको मन्त्रालयले जनाएको छ ।
